Kryetari i Nismës Socialdemokrate, Fatmir Limaj, të gjithë mësimdhënësve ua ka uruar 7 Marsin – Ditën e Mësuesit.

Limaj përmes një postimi në “Facebook”, ka thënë se ka shumë njerëz që kanë lënë gjurmë në jetën tonë, por askush prej tyre nuk e zë vendin e veçantë që kanë përherë tek ne mësuesit tanë, shkruan portali arbresh.info

Tutje, Limaj iu ka shprehur mirënjohje të gjithë mësuesve për kujdesin dhe këmbënguljen, që me dashurinë dhe përkushtimin e tyre ndër breza krijuan tek secili prej nesh vlerat më të larta njerëzore e kombëtare.

Postimi i tij i plotë:

Në përvjetorin e hapjes së shkollës së parë shqipe, të gjithë mësimdhënësve ua uroj 7 Marsin – Ditën e Mësuesit.

Ka shumë njerëz që kanë lënë gjurmë në jetën tonë, por askush prej tyre nuk e zë vendin e veçantë që kanë përherë tek ne mësuesit tanë.

Mirënjohje të gjithë mësuesve për kujdesin dhe këmbënguljen, që me dashurinë dhe përkushtimin e tyre ndër breza krijuan tek secili prej nesh vlerat më të larta njerëzore e kombëtare.