Sot rreth orës 17:30 kanë ndodhur dy aksidente trafiku në rrugën Prishtinë-Podujevë.

Njëri aksident ka ndodhur në fshatin Trudë dhe tjetri në fshatin Sekiraqë.

Në aksidentin në Trudë janë përfshirë dy automjete ku kanë mbetur të lënduar katër persona, kurse në fshatin Sekiraqë janë përfshirë dy automjete ku raportohet se kanë pësuar lëndime dy persona.

Lajmin për arbresh.info e ka konfirmuar Zëdhënësja e Policisë së Kosovës për Rajonin e Prishtinë, Flora Ahmeti.

Ahmeti shtoi se njësitet e trafikut rajonal janë duke u marr me të dyja rastet.

“Sot rreth 17:30, në rrugën Prishtinë -Podujevë, ( në fshatin Trudë dhe në fshatin Sekiraqë), kanë ndodhur dy aksidente trafiku. Trudë janë perfshirë dy automjete , ku si pasojë e aksidentit janë lënduar 4 persona. Ndërsa në fshatin Sekiraqë janë te perfshira dy automjete dhe raportohet për dy persona të lënduar. Njësiti i trafikut rajonal është duke u marë me të dyja rastet”, tha Ahmeti./arbresh.info/