Kryetari i Komunës së Mitrovicës së Veriut, Erden Atiq, ka njoftuar se janë hequr grilat që rrethonin objektin e komunës.

Në një postim në Facebook, Atiq ka bërë të ditur se, pas një vlerësimi profesional që ka treguar përmirësim të dukshëm në situatën e sigurisë, ka kërkuar largimin e këtyre barrierave.

Ai thekson se nuk duhet të ketë barriera mes shërbyesve të qytetarëve dhe qytetarëve të zakonshëm.

“Pas vlerësimit profesional se situata e sigurisë në Mitrovicën e Veriut është përmirësuar dukshëm, me kërkesën time sot janë larguar grilat që rrethojnë objektin e Komunës së Mitrovicës së Veriut. Nuk duhet dhe nuk do të ketë barriera mes atyre që ju shërbejnë qytetarëve dhe vetë qytetarëve. Do të vazhdojmë që çdo ditë e më shumë të ju shërbejmë qytetarëve me përkushtim e pa dallim”, thuhet në postim./Arbresh.info