LAJMI I FUNDIT/Deklarohen nga qeveria: Nuk ka paga për grevistët

13:08 | 3 Tetor 2022
Emir Abduramani

Mësimi nëpër shkolla ka filluar sot, ndërsa pikëpyetje mbetet se a do t’u ekzekutohen pagat mësimdhënësve grevistë.

Zëdhënësi i Qeverisë së Kosovës, Përparim Kryeziu, për arbresh.info tha se për muajin shtator pagat e punëtorëve të sektorit publik janë ekzekutuar vetëm për ata që kanë punuar, duke lënë të kuptohet se grevistët nuk i kanë marrë ende pagat.

Kryeziu shtoi se paga mujore është kompensim për punën e bërë gjatë muajit.

“Për muajin shtator, pagesat në sektorin publik janë ekzekutuar për zyrtarët të cilët kanë dalë në punë dhe kanë kryer detyrat dhe përgjegjësitë e tyre. Paga mujore është kompensim për punë. Në raste të grevave, kjo çështje përcaktohet në ligjin për Greva.” u shpreh Kryeziu për arbresh.info./ Emir Abduramani/

LEXO EDHE

Mimoza Kusari: Ligji e përcakton qartë, s’ka kompensim për grevistët – Arbresh.info