Ish-i dërguari i SHBA-së për dialogun Kosovë-Serbi, Richard Grenell, ka reaguar pas marrëveshjes së arritur mes Kosovës dhe Serbisë për çështjen e dokumenteve.

Grenell përmes një shkrimi në rrjetin social Twitter tha se kryeministri i Kosovës, Albin Kurti i tha ‘po’ marrëveshjes që ish-kryeministri Hashim Thaçi kishte rënë dakord vite më parë.

Tutje ai shpreson se Kurti do të fillojë t’i zbatojë edhe marrëveshjet e tjera të mëparshme.

“Kështu që @albinkurti ka rënë dakord për diçka që @HashimThaciRKS kishte rënë dakord vite më parë… Letërnjoftimet nga të dyja palët u pranuan prapë – por kësaj radhe Kurti thotë po. Ai po merr hapin – le të shpresojmë se do të fillojë të zbatojë edhe marrëveshjet e tjera të mëparshme”, shkroi Grenell./arbresh.info/

So @albinkurti has agreed to what @HashimThaciRKS agreed to years ago…

IDs on both sides are once again accepted – but this time Kurti says yes.

He’s catching up – let’s hope he starts implementing the other previous agreements, too.

— Richard Grenell (@RichardGrenell) August 27, 2022