Kryetari i Degës së Tretë të LDK’së në Prishtinë Hazir Borovci është prezantuar si njeri “vizionar” në tubimin e LDK’së ku ka marrë pjesë paria e LDK’së përfshirë vetë Kryetari Mustafa.

Për ta arsyetuar këtë epitet ai ka mbajtur një fjalim qesharak para anëtarëve të LDK’së i cili megjithatë është duartrokitur nga anëtarësia.

Borovci ka zbuluar në tubim se ka folur me Ibrahim Rugovën te varri i tij. Më pas ka shpalosur edhe përmbajtjen e “bisedës”.

“Të nderuar të pranishëm në mesditë i bëmë një vizitë Presidenti historik Rugova. Bashkërisht me një grup veprimtarësh të degës së tretë. E informuam Presidentin për 27 vejtorin për ditëlindjen e degës së tretë , degës së Presidentit” ka thënë ai.

Më pas ka shpalosur edhe një pyetje të Presidentit.

“Presidenti na pyeti si janë punët, si po shkojnë punët . e informuam për disa çështje….nuk do t’ju ngarkojmë juve …” ka theksuar ai.

“Presidenti u gëzua shumë” ka shtuar Borovci me plotë seriozitet.

Më pas ai ka treguar edhe për porositë e Ibrahim Rugovës.

“Presidenti dha porosinë ta rrisni sofrën e LDK’së …porosia e tretë mos na i prishni punët me miqtë perëndimorë , mos na i prishni punët me amerikanët” ka shtuar.

Fjalimi në bazë të duartrokitjeve është pëlqyer shumë nga LDK.

https://www.dailymotion.com/video/x5fvwib_borovci-funny_fun