Kurtit i mohohet pjesëmarrja në zgjedhje, qytetarët: Protestojmë në kutinë e votimit

22:54 | 27 Janar 2021
arbresh.info

Qindra qytetarë janë përgjigjur në pyetjen e portalit arbresh.info nëse do të protestonin në rast se Albin Kurtit nuk do t’i lejohej të kandidonte në zgjedhjet e 14 shkurtit.

Shumica e tyre do të konsideronin pjesëmarrjen në protesta, dhe një numër i vogël thanë se nuk do të protestonin për këtë çështje.

“Protesta jonë ka me u shprehë përmes votës”, komenton një lexues i portalit arbresh.info.

Ka shumë prej lexuesve që thonë se “po” do të merrnin pjesë, ndërsa ata që votuan për “jo” komentojnë se “nuk na përfaqëson”.

“Kësaj here do të protestojmë në kutinë e votimit”, shkruan një tjetër lexues.

Vetëvendosje u ankua në Supreme, të mërkurën, në kërkim të drejtës për të kandiduar në zgjedhjet e 14 shkurtit me listën e propozuar qysh në fillim në Komisionin Qendror të Zgjedhjeve. Kjo është instanca e fundit e ankesës./arbresh.info/