Kurti: Tash është koha e komisionerëve dhe vëzhguesve për numërim dhe ruajtje të votës

20:10 | 12 Tetor 2025
Gita

Kryeministri në detyrë dhe kryetari i Lëvizjes Vetëvendosje, Albin Kurti, ka reaguar pas mbylljes së vendvotimeve për zgjedhjet lokale 2025.

Përmes një postimi në Facebook, Kurti ka falënderuar të gjithë ata që kanë mbështetur VV-në, duke theksuar se ky besim është forca për partinë e tij për të vazhduar me punë e përkushtim përpara.

“Sot, me qetësi e maturi, qytetarët e Kosovës dëshmuan edhe njëherë kulturën demokratike duke kaluar ditën e zgjedhjeve lokale me dinjitet e përgjegjësi. Falënderoj të gjithë qytetarët për mbështetjen për Lëvizjen VETËVENDOSJE! dhe kandidatët tanë nëpër komuna. Ky besim është forca jonë për të vazhduar me punë e përkushtim përpara”, shkruan Kurti.

Ai, thekson se tash është koha e komisionerëve dhe vëzhguesve, të cilët jo vetëm i numërojnë votat, por edhe i ruajnë ato dhe vullnetin e shprehur të qytetarëve./Arbresh.info/