Kurti takon medalistët olimpikë të xhudos, thekson mbështetje për sportistë

23:48 | 14 Janar 2025
E.G

Kandidati i Lëvizjes Vetëvendosje për kryeministër, Albin Kurti ka takuar medalistët olimpikë të xhudos dhe trajnerët e tyre, Tonin, Agronin, Distrian, Norën dhe Laurën, gjatë një vizite në Pejë,

Kurti ka shprehur krenarinë për arritjet e sportistëve, duke theksuar se shkolla e xhudos ka arritur suksese të jashtëzakonshme, duke pasur më shumë medalje olimpike se 38 shtete të botës.

Ai ka theksuar angazhimin për mbështetje të pakursyer ndaj sportistëve të Kosovës, duke thënë se arritjet e tyre do të vazhdojnë të shtohen.

“Në çdo garë që xhudistët tanë hyjnë, ne jemi të bindur që ata do të triumfojnë,” ka thënë Kurti, duke shprehur besimin se sportistët do të vazhdojnë të sjellin rezultate të shkëlqyera për Kosovën./Arbresh.info/