Kryeministri i Kosovës, Albin Kurti, është takuar sot me homologun e Maqedonisë së Veriut, Dimitar Kovaçevskin, në Vjenë të Austrisë në kuadër të Forumit Ekonomik.

Me anë të një postimi në platformën X, Kovaçevski tha se me Kurtin shkëmbyen mendime për situatën në rajon dhe dialogun mes Prishtinës dhe Beogradit, përcjell Arbresh.info.

“Në takimin me kryeministrin e Kosovës Albin Kurti diskutuam bashkëpunimin tonë, i cili është gjithëpërfshirës dhe vazhdimisht në rritje”, shkroi Kovaçevski.

“Ne u fokusuam në bashkëpunimin ekonomik dhe atë energjetik. Kemi shkëmbyer mendime edhe për situatën në rajon dhe dialogun ndërmjet Prishtinës dhe Beogradit”, tha ai./Arbresh.info

На средбата со косовскиот премиер @albinkurti разговаравме за нашата соработка, која е сеопфатна и во постојан подем. Ставивме фокус на економската и енергетската соработка. Разменивме мислења и за состојбите во регионот и дијалогот меѓу Приштина и Белград. pic.twitter.com/aCTrY3JlTq

— Dimitar Kovachevski (@DKovachevski) November 13, 2023