Kryeministri i Republikës së Kosovës, Albin Kurti, ka thënë se për aq kohë sa Serbia refuzon të përballet me të kaluarën, tregon se s’është e interesuar për dialog dhe marrëveshje.

Këtë deklaratë shefi i Qeverisë e bëri përmes një cicërime në llogarinë e tij në rrjetin social Twitter.

Ai tutje shtoi se përderisa Serbia vazhdon në këtë mënyrë, tregon se ajo nuk është e interesuar as për paqe dhe pajtim mes dy vendeve tona.

“Për sa kohë që Serbia refuzon të përballet me të kaluarën dhe të bie dakord për mos-agresion, kjo tregon se nuk është e interesuar për dialog dhe marrëveshje, as për paqe dhe pajtim midis vendeve tona”, shkroi Kurti gjersa publikoi një fotografi ku shihet një marrëveshje e paqes me 6 nene që kryeministri ia paraqiti Vuçiqit sot në Bruksel./arbresh.info/

For as long as Serbia refuses to face the past and agree on non-aggression, it shows that it is not interested in dialogue and agreement, nor in peace and reconciliation among our countries. pic.twitter.com/4vivuhnFnZ

— Albin Kurti (@albinkurti) July 19, 2021