Kryeministri Albin Kurti është përgjigjur gjatë seancës së Kuvendit në pyetjen nga deputeti i PDK’së, Fadil Nura lidhur me kundërshtimin e marrëveshjes mes Kosovës e NATO’s më 19 prill 2019.

Kryeministri Albin Kurti, tha se marrëveshja e ish-presidentit Hashim Thaçit me NATO-n, që përgjegjësia për misionet e FSK-së në veri t’i kalojë KFORI-t, ka qenë marrëveshje e dëmshme.

Kurti tha se ajo marrëveshje është e dëmshme por që nuk e kishte akuzuar sekretarin e NATO’s.

‘’Unë nuk kam akuzu sekretarinë e NATO-s për ato letra dhe nuk mund të kërkoj llogari prej tij. Një problematikë e i tillë nuk mund të rregullohet me një takim të vetëm. Unë vazhdoj të mbes prapa asaj. Por kam akuzuar titullarin e atëhershëm që ka dhënë firmën për një shpresë të tillë. Një tematikë e tillë nuk mund të rregullohet me një takim të vetëm. Çështja i mbetet prokurorisë për trajtim’’, tha ai.