Kurti nga Vushtrria: Investimet dhe mirëqenia e qytetarëve prioritet edhe për katërvjeçarin e ardhshëm

20:19 | 20 Dhjetor 2025
R J

Kryeministri në detyrë, Albin Kurti në Vushtrri përmendi disa nga investimet për këtë komunë përgjatë mandatit të tij.

4 milionë euro të ndara për ndërtimin e rrugëve nga Ura e Sitnicës në Llamkos, Akrashticë–Balnic, Dumnicë e Ulët–Dumnicë e Epërme, Druar–Pestovë, projektin e rrugës “Hamdi Gashi”, si dhe asfaltimin e rrugëve Drenica, Sllakoc–Nadakoc dhe Pantinë–Ashlan.

Por Kurti theksoi se përveç infrastrukturës rrugore, në mandatin e tij të ardhshëm për Vushtrrinë do të kompensohen bujqit për dëmet e shkaktuara nga vërshimet, do të ndërtohet ambulanta specialistike për Spitalin e qytetit, do të rregullohen impiantet përgjatë lumit dhe do të stabilizohet rrjedha e lumit Silnica.

Rregullimi i rrugës nga ish-fabrika e Llamarinës deri në Mitrovicë, si dhe ndërtimi i një rrethrrotullimi të ri në magjistralen Prishtinë–Mitrovicë, pranë lagjes Cakaj, janë edhe disa nga projektet e Kurtit për qytetarët e Vushtrrisë.