Kryeministri Albin Kurti, ka përkujtuar rreshterin e Policisë së Kosovës, Afrim Bunjaku, në njëvjetorin e vrasjes.

Kurti tha se sakrifica e Afrim Bunjakut nuk do të harrohet kurrë.

”Në njëvjetorin e sulmit terrorist dhe paramilitar kundër vendit tonë në Banjskë të Zveçanit, nderojmë e kurrë nuk harrojmë sakrificën e heroit, rreshterit Afrim Bunjaku, që humbi jetën duke mbrojtur sovranitetin dhe integritetin territorial të Republikës së Kosovës”, ka shkruar Kurti.

Kurti shkroi edhe për emërtimin e rrugës Rajonale R-217 në segmentin Ballaban-Banjskë, me emrin e Afrim Bunjakut.

“Në mbledhjen e 221-të të Qeverisë, ndër vendimet tona kryesore ishte emërtimi i Rrugës Rajonale R-217 segmenti: Ballaban – Banjskë, me emrin e Heroit të Republikës së Kosovës “Afrim Bunjaku”. Në njëvjetorin e sulmit terrorist dhe paramilitar kundër vendit tonë në Banjskë të Zveçanit, nderojmë e kurrë nuk harrojmë sakrificën e heroit, rreshterit Afrim Bunjaku, që humbi jetën duke mbrojtur sovranitetin dhe integritetin territorial të Republikës së Kosovës”, shkruan Kurti./Arbresh.info/

LEXO EDHE:

Qeveria emërton rrugën Ballaban – Banjskë me emrin e heroit të Kosovës “Afrim Bunjaku”

Njëvjetori i sulmit terrorist në Banjskë dhe rënia heroike e Afrim Bunjakut