Kryeministri i Kosovës, Albin Kurti ka kujtuar rënien heroike të ish-ushtari të UCK-së, Luan Haradinaj.

Përmes një postimi në Facebook, Kurti ka thënë se ish-ushari kishte qenë  një djalosh luan nga Gllogjani, i cili bëri aksione të forta e bartje logjistike për çlirim.

Kreu ekzekutiv ka thënë se ende pa filluar mirë lufta dhe nuk kishin dal publikisht Ushtria Çlirimtare e Kosovës, disa nga djemtë më aktivë të lëvizjes ilegale për lirinë e atdheut, u bënë dëshmorët e parë të UÇK-së, shkruan Arbresh.info.

“Ndër ta ishte edhe një djalosh luan nga Gllogjani, student i kulturës fizike në Tiranë, me aksione të forta guerile e bartje logjistike për çlirim: Luan Haradinaj! I treti nga shtatë djemtë e Hilmiut dhe Rukies, bashkë me vëllezërit e tij dhe me shokë veprimtarë, që nga fillimi i tyre, Luani iu bashkua grupeve të armatosura bërthamë që ngritën UÇK-në në Dukagjin. Ai kishte mbajtur lidhje me grupin e Adem Jasharit dhe Rexhep Selimit në Drenicë ashtu siç kishte koordinuar veprime dhe aksione me grupin e Zahir Pajazitit dhe Ilir Konushevcit në Llap. Deri në ditën e rënies, më 6 maj 1997, Luan Haradinaj e kishte kaluar me dhjetëra herë kufirin jugosllav që i mbante të ndarë shqiptarët në Kosovë dhe Shqipëri”, tha Kurti.

Po ashtu ai ka kujtuar ditën ku Luan Haradinaj bashkë me një grup ushtarësh kanë kaluar kufirin e Kosovës duke janë përballur me ushtrinë serbë duke filluar luftime të ashpra.

Ku sipas tij, në këtë luftim ra dëshmor lirie, Luan Haradinaj në mbrojte të shokëve të tij.

“Atë ditë, ai ishte bashkë me një grup ushtarësh që po hynin në Kosovë, mes të cilëve i vëllai Ramushi, Fehmi e Xhevë Lladrovci, Ramiz Lladrovci, Ilaz Kodra, Abedin Rexha, Ali Ahmeti, Rafet Rama, Gani Rama e Selim Krasniqi. Kur po kalonin kufirin, ata u pikasën nga patrullat kufitare të ushtrisë serbe në Qafëmullar, duke nisur luftime të ashpra me ta në një terren që ndonëse kodrinor ishte i zhveshur. I patrembur siç ishte treguar që nga fillimi, Luani luftoi përballë forcave armike të Serbisë e në mbrojtje të shokëve, derisa i goditur ballazi ra dëshmor lirie, duke e shenjuar me gjakun e tij rrugën aq të vështirë të atij kufiri të padrejtë që më pas do ta shembnin shokët e tij ushtarë të UÇK-së. Lavdi veprës së Luan Haradinajt dhe të gjithë dëshmorëve që me jetën e tyre e paguan lirinë e të gjithë neve”, ka shkruar ai./Arbresh.info/