Kryeministri i Kosovës, Albin Kurti, ka shprehur krenarinë e tij për zhvillimin e ushtrimit më të madh dhe më të sofistikuar ushtarak të Forcës së Sigurisë së Kosovës (FSK), “Ujku i Çeliktë”.

Gjatë fjalës së tij, Kurti theksoi rëndësinë e këtij ushtrimi për forcimin e kapaciteteve mbrojtëse të vendit dhe validimin e regjimentit të ri të FSK-së.

“Nga këtu dua të ju them se ndodhem krenar që ndodhemi së bashku më këtë ushtrim që është më i madhi dhe më i sofistikuari. Validimi i këtij regjimenti është forcimi i kapaciteteve tona mbrojtëse në këtë teren këtu ju dëshmuat në proë strategjitë luftarake. Këto pajisje dhe ky armatim i blerë me standartet e NATO-së janë produkt i një strategjie të detajuar në fushën e mbrojtjes. Ushtria jonë ka treguar bashkëpunim me partnerët tajë strategjik. Ju jeni frymëzim për të gjithë ne dhe jeni garanci e pathyeshme. Ky ushtrim nuk është thjesht një ushtrim i radhës por është ushtrim për të mposhtur sfidat”, tha Kurti.

Ai theksoi gjithashtu rëndësinë e rritjes së buxhetit për FSK-në, i cili është trefishuar, duke e konsideruar këtë si investim në sigurinë e qytetarëve.

“Më shumë investim në ushtri do të thotë më shumë siguri për qytetarët. Buxhetin për FSK-në e kemi trefishuar. Ju falënderoj që mbani lartë krenarin dhe nderin tonë”, tha Kurti./Arbresh.info