Kryeministri i vendit, Albin Kurti ka shkruar lidhur me vendimin për ndarjen e shtesave prej 100 eurosh për të gjithë fëmijët e moshës 0-16 vjeç

Ai tha se kjo pra është hera e dytë që po ndajmë një shtesë të tillë mbështetëse për fëmijët tanë, krahas dyfishimit dhe trefishimit të shtesave mujore për ta që e bëmë në gusht të këtij viti, shkruan Arbresh.info.

Ai ritheksoi se përfitues të shtesës prej 100 euro do të jenë gjithashtu edhe pensionistët.

“Kjo është hera e pestë brenda mandatit tonë që një mbështetje e tillë shpërndahet tek pensionistët tanë, për të cilët krahas shtesave të njëhershme, kemi rritur pensionet dy herë gjatë mandatit, fillimisht pensionin bazik deri në 33% dhe tash së fundmi për 20% për të gjithë kategoritë pensionmarrëse.”, tha ai.

“Kemi patur performancë të shkëlqyer ekonomike dhe rritje të të hyrave buxhetore. Të mirat dhe rritjen, po e ndajmë me qytetarët e për familjet.”, përfundoi Kurti./Arbresh.info/

LEXO EDHE:

Qeveria ndan nga 100 euro për pensionistë e fëmijë