Kurti i propozon Osmanit që zgjedhjet parlamentare të mbahen më 2 shkurt

11:37 | 16 Gusht 2024
E.K

Lëvizja Vetëvendosje ka kërkuar zyrtarisht nga presidentja e Kosovës që zgjedhjet e përgjithshme të mbahen më 2 shkurt 2025, kështu ka marrë vesh RTKlive. Ky propozim në adresë të Osmanit ka shkuar nga lideri i VV-se, Albin Kurti.

Ndryshe edhe tri partitë opozitare kanë dhënë datën e preferuar për mbajtjen e zgjedhjeve të përgjithshme.

Presidentja e Kosovës, Vjosa Osmani ditë më parë ka takuar liderët e përfaqësuesit e partive politike, lidhur me konsultimin e përbashkët për caktimin e datës së zgjedhjeve të përgjithshme në Republikën e Kosovës.

Në pajtim me afatin e përcaktuar në nenin 66 (2) të Kushtetutës së Republikës së Kosovës dhe nenin 5 (2) të Ligjit Nr. 089L-228 për Zgjedhjet e Përgjithshme në Republikën e Kosovës (“Ligji”), zgjedhjet e rregullta për Kuvend, duhet të mbahen përgjatë periudhës 26 Janar – 16 Shkurt 2025.