Kryeministri i vendit, Ramush Haradinaj do të udhëtojë sot për në Shtetet e Bashkuara të Amerikës.

Kjo vizitë e Haradinajt vije edhe pas qëndrimeve të tij për taksën, e që fillimisht i kushtuan me refuzim vize për vizitë në SHBA në ‘Lutjet e Mëngjesit’, shkruan lajmi.net.

E Haradinaj sot do të niset për në SHBA.

Kjo është konfirmuar për lajmi.net nga një burim brenda Qeverisë së Kosovës.

Mirëpo, Haradinaj atje nuk do të takohet me zyrtarë amerikanë.

“Haradinaj niset sot për në SHBA, atje do të takohet me komunitetin katolik shqiptar”, ka thënë ky burim për lajmi.net.

Theksojmë, se qëndrimet për taksën Haradinajt i shkaktuan punë në takime me zyrtarë të ndryshëm ndërkombëtarë të cilët kërkuan pezullimin e saj.

Më shumë se katër muaj që nga vendosja e taksës, Haradinaj nuk ka lëvizur nga qëndrimet e veta.