Deklaratat e kryeministrit Isa Mustafa se po rrezikohet liberalizimi i vizave, ushtria dhe investimet duke kërkuar zgjedhje të reja, kryetari i Këshillit Kombëtarë të Nismës, Jakup Krasniqi përmes një postimi në Facebook po i quan si refrene të banalizuara skajshmërish, nga njeriu që nuk ka ditur dhe nuk e ka marrë asnjë vendim të guximshëm e të mirë për vendin e qytetarëve, transmeton Indeksonline.

Ja postimi i tij:

Mos me të folë mendja, të flet barku!

Mustafa: “Po rrezikojmë liberalizimin, ushtrinë dhe investimet duke kërkuar zgjedhje të reja”.

Këto janë refrene të banalizuara skajëshmërisht, nga njeriu që nuk ka ditur dhe nuk e ka marr asnjë vendim të guximshëm e të mirë pêr vendin e qytetarët.

Cila paska qenë fuqia e opozitës për të penguar në: Ndërtimin e Shtetit të se Drejtës, sundimin e ligjit, zhvillimin ekonomik, lehtësimin në investime, luftimin e nepotizmit, liberalizimin, kush të pengoj të investosh për arsim cilësor, shërbime shëndetësore cilësore, investime në energjetikê, bujqësi etj.

Kur nuk dinë të qeverisësh, nuk guxon të marresh vendime për vendin, ik e mos i mashtro qytetarët e Kosovës?! Kjo është puna më e mirë që mund ta bësh!