KQZ mban konferencë| Sami Kurteshi përplaset me Valdete Daken, kërkon që qytetarët të lejohen të votojnë me letërnjoftime të skaduar

16:01 | 29 Nëntor 2020
Arbresh.info

Ka pasur një përplasje verbale ndërmjet anëtarit të KQZ-së, Sami Kurteshi dhe kryetares së KQZ-së, Valdete Daka.

Sami Kurteshi ka kërkuar që të merr fjalën dhe ka kërkuar që të lejohen të votojnë të gjithë ata që ju ka skaduar afati i letërnjoftimit me 1 janar të vitit 2020, raporton Arbresh.info.

“Ka ankesa nga qytetarët që s’munden të votojnë për shkak se nuk kanë letërnjoftime të vlefshme. Ne si KQZ duhet t’i njoftojmë mediat që të gjithë njerëzit duhet t’i lëmë të votojnë, edhe ata që i ka skaduar afati i letërnjoftimit në janar të vitit 2020”, tha ai.

Ndërsa Valdete Daka ka thënë se KQZ-ja nuk e ka marr vendimin.

“Verdiktet e KQZ nuk merren në zgjedhjet me dokumentet dhe ato merren para ditës së zgjedhjeve dhe ne nuk jemi në mbledhje por jemi në konferencë dhe të gjitha vendimet merren në mbledhjen e KQZ-së”, tha Daka.