E Ngarkuara me Punë në Ambasada e Shteteve të Bashkuara në Kosovë, Anu Prattipati, ka mirëpritur në Ambasadë Përfaqësuesin e Përhershëm të SHBA-së në NATO, ambasadorin Matthew Whitaker, gjatë vizitës së tij në Kosovë.

Në takimin në ambasadë u diskutuan interesat e përbashkëta të sigurisë dhe bashkëpunimi në çështjet rajonale dhe globale të sigurisë.

Sipas njoftimit, u theksua edhe roli i Kosovës në mbështetjen e prioriteteve të sigurisë së Shteteve të Bashkuara.

“E Ngarkuara me Punë, Anu Prattipati, ka kënaqësinë të mirëpresë Përfaqësuesin e Përhershëm të Shteteve të Bashkuara në NATO, Ambasadorin Matthew Whitaker, në Ambasadën e SHBA-së gjatë vizitës së tij në Kosovë. Kjo vizitë është një mundësi për të diskutuar interesat e përbashkëta të sigurisë dhe rolin e vazhdueshëm të Kosovës në kontributin ndaj prioriteteve rajonale dhe globale të sigurisë së SHBA-së”, thuhet në njoftim.