KQZ-ja përmbylli procesin e akreditimit të vëzhguesve, 29 mijë e 264 vëzhgues

15:33 | 9 Qershor 2017
Arbresh.info

Komisioni Qendror i Zgjedhjeve ka treguar se ka mbyllur procesin e akreditimit të vëzhguesve. Në një mbledhje të mbajtur ky komision akreditoi grupin e IX të vëzhguesve dhe të fundit, që do të vëzhgojnë këto zgjedhje.

“Numri i përgjithshëm i vëzhguesve të akredituar është: 29 mijë e 264 vëzhgues, të ndarë si në vijim”, u tha në mbledhje.

160 vëzhgues nga 8 Ambasada,
301 vëzhgues nga 7 Organizata Ndërkombëtare,
8 mijë e 830 vëzhgues nga OJQ – Vendore,
3 mijë e 657 vëzhgues nga Partitë Politikë pjesëmarrëse në këto zgjedhje,
15 mijë e 784 vëzhgues nga Koalicionet pjesëmarrëse në këto zgjedhje,
27 vëzhgues nga Institucione Ndërkombëtare (Trupa të Menaxhimit të Zgjedhjeve nga vende të ndryshme të botës),
1 vëzhgues nga 1 Institucion Vendor,
468 vëzhgues të akredituar që përfaqësojnë Media Vendore, dhe
36 vëzhgues të akredituar që përfaqësojnë Media Ndërkombëtare.