Kosova ka marrë pjesë si anëtare e plotë dhe e barabartë në Organizatën Botërore të Doganave në Bruksel, bën të ditur zëvendëskryeministri i parë Behgjet Pacolli, shkruan arbresh.info.

“Përkundër përpjekjeve të Serbisë për të penguar pjesëmarrjen e Kosovës, delegacioni ynë ka ushtruar të drejtat dhe obligimet sikurse të gjithë anëtarët e tjerë”, shkruan Pacolli.

Tutje kryediplomati ka uruar zgjedhjen e Sekretarit të Përgjithshëm Kunio Mikuriya nga Japonia dhe Kryesuesin e Këshillit Enrique Cannon nga Uruguai.

Sot në Bruksel…..

Kosova merr pjesë si anëtare e plotë dhe e barabartë e Organizatës Botërore të Doganave në Bruksel, në takimin e Këshillit të OBD-së. Përkundër përpjekjeve të Serbisë për të penguar pjesëmarrjen e Kosovës, delegacioni ynë ka ushtruar të drejtat dhe obligimet sikurse të gjithë anëtarët e tjerë. E uroj zgjedhjen e Sekretarit të Përgjithshëm Kunio Mikuriya nga Japonia dhe Kryesuesin e Këshillit Enrique Cannon nga Uruguai. Përpjekjet tona nuk do të ndalen asnjëherë për të bërë Kosovën një anëtare të plotë dhe të barabartë të bashkësisë ndërkombëtare.