Komandanti Jashari priti në takim Atashetë e Mbrojtjes, ua tregon të arriturat e FSK-së

17:42 | 30 Shtator 2024
H.E

Komandanti i Forcës së Sigurisë së Kosovës, gjenerallejtënant (GLT) Bashkim Jashari, priti sot në takim atashetë e mbrojtjes së Republikës së Kosovës të akredituar në shtetet partnere nëpër botë.

Gjeneral Jashari i informoi ata mbi zhvillimet e FSK-së përgjatë këtij viti dinamik si dhe fushat e përgjithshme të bashkëpunimit me shtetet përkatëse.

Më pas, atashetë e mbrojtjes raportuan, një nga një, mbi fushat specifike të bashkëpunimit, mbi shkollimet dhe trajnimet si dhe zhvillimin e mëtutjeshëm të marrëdhënieve bilaterale me shtetet ku ata janë të akredituar.

“Në fund, KOMFSK u foli atasheve për objektivat e vitit 2025 si dhe kërkoi nga ta që të zhvillojnë tutje planet bilaterale të bashkëpunimit, në linjë me synimet e KOMFSK-së për zhvillimin e një force profesionale dhe të ndërveprueshme me shtetet e NATO-s”, thuhet në njoftimin e FSK-së./Arbresh.info