Koci: Politikanët serbë po tentojnë ta ndikojnë në drejtësinë franceze për rastin Haradinaj

11:41 | 27 Janar 2017
M. A.

Avokati i Ramush Haradinajt, Arianit Koci ka thënë se Ivica Dacic, ministrja e Drejtësisë në Serbi Nela Kuburovic, nuk po ndalen duke u deklaruar për rastin Haradinaj, duke shtuar se në këtë rast po ndërhyret dhe po tentohet të ndikohet drejtësia franceze

“Kryeministri Vucic, ish ministri i qeverisë së Slobodan Milosević, Ministri i Punëve të Jashtme të Serbisë – Ivica Dacic, ish zëdhënësi i Partisë Socialiste të Milosheviqit, dhe Ministrja e Drejtësisë së Serbisë – Nela Kuburović, nuk po ndalën duke u deklaruar për rastin Haradinaj”, ka thënë Koci, duke pyetur se pse politikanët kryesorë të Serbisë, duhet të deklarohen për një rast kinse penal.

“Për shkak se akuzat janë politike dhe tërësisht të sajuara për ta dëmtuar z. Haradinaj dhe Kosovën”, pyet Koci, e që sqaron se e ata po tentojnë të ndërhyjnë dhe ndikojnë në drejtësinë franceze.