Kërkohet paraburgim ndaj zyrtarit të MB-së që ndihmoi me dokumentacion të kërkuarin nga Interpoli

13:13 | 20 Korrik 2023
E.H

Prokurori i Shtetit ka kërkuar masën e paraburgimit ndaj zyrtarit të Ministrisë së Punëve të Brendshme, për të cilin dyshohet se ka ndihmuar me dokumentacion një person i cili ishte shpallur në kërkim ndërkombëtar nga Interpoli për vepra penale të narkotikëve.

Lajmin pë Arbresh.info e ka konfirmuar zëdhënësja e Prokurorisë së Prishtinës, Laureta Ulaj.

Personi në fjalë ka qenë duke punuar në zyrat e Agjencisë për Regjistrim Civil (ARC), në cilësinë e zyrtarit administrativ pranë kësaj Agjencie.

“Lidhur me ndalimin e djeshëm te zyrtarit të ARC-së për Keqpërdorim të pozitës apo autoritet zyrtar dhe falsifikimit të dokumentit zyrtar, Prokurori i Shtetit ka kërkuar masën e paraburgimit, në gjykatën kompetente”, ka thënë Ulaj./Arbresh.info/