Keqpërdorën detyrën dhe falsifikuan dokumentet, arrestohen tre zyrtarë të komunës së Obiliqit

17:32 | 8 Dhjetor 2022
E.H

Tre zyrtar të komunës së Obiliqit janë arrestuar nga Drejtoria për Hetimin e Krimeve Ekonomike.

Dy të dyshuarit: A. B. dhe N.K.Sh. (zyrtarë komunal), dyshohet se janë përfshirë në veprën penale ‘keqpërdorim i pozitës apo autoritetit zyrtar’.

Kurse, i dyshuari R.H., dyshohet se ka kryer veprat penale “legalizim i përmbajtjes së rreme” , “falsifikim i dokumenteve” dhe “mashtrim”.

Rasti është trajtuar nën dyshimin se një pronë është tjetërsuar në mënyrë të kundërligjshme.

“Të dyshuarit janë intervistuar dhe me aktvendim nga prokurori, R.H., është dërguar në ndalim policor deri në 48 orë, kurse ndaj dy të dyshuarve tjerë rasti do të vazhdohet në procedurë të rregullt”, thuhet në komunikatën për media./arbresh.info/