Një person është arrestuar në rrugën ‘Haxhi Zeka’ në Prishtinë pasi dyshohet se ka fyer dhe kanosur zyrtarët policorë, raporton Policia e Kosovës.

Sipas Policisë, i dyshuari kishte shkuar në vendin e ngjarjes të një aksidenti ku ishte shkaktuar nga djali i të dyshuari, dhe kishte kërkuar nga zyrtarët policorë që ai te merr përgjegjësinë për rastin pasi që djali i tij nuk posedonte patentë shofer.

Por, pasi kërkesa e tij u refuzua i dyshuari kishte fyer dhe kanosur zyrtarët policor.

I njëjti, me vendim të prokurorit është dërguar në mbajtje.

“Rr. Haxhi Zeka-Prishtinë 27.09.2023-18:00. Është arrestuar i dyshuari mashkull kosovar pasi që i njëjti kishte shkuar në vendin e ngjarjes në një aksident trafiku ku i dyshuar ishte djali i tij dhe kishte kërkuar nga zyrtarët policorë që ai te merr përgjegjësinë për rastin pasi që djali i tij nuk posedonte patentë shofer. Pasi që kërkesa e tij është refuzuar nga zyrtarët policorë dhe sqaruar se ligjërisht nuk lejohet, i dyshuari kishte fyer dhe kanosur zyrtarët policorë. Me vendim të prokurorit kujdestar, i dyshuari është dërguar në mbajtje”, thuhet në raportin 24 orësh të Policisë së Kosovës./Arbresh.info/