Lagjja Pejton është “zemra e qytetit” – ishin vetëm disa nga fjalët e kandidatit për kryetar të Prishtinës, Gëzim Mehmeti nga radhët e partisë AKR.

Para banorëve të kësaj lagje, Mehmeti shpalosi programin 4 vjeçar dhe projektet që do të realizohen gjatë kësaj periudhe kohore në Pejton.

Sipas komunikatës së AKR-së, Mehmeti u zotua para qytetarëve të Prishtinës se do të bëjë zgjerimin e rrugëve në 9 metra, ndërtim të një institucioni të ri parashkollor dhe rregullimin e shtigjeve të biçikletave.

Edhe pse gjatë mandatit të tij si drejtori i drejtorisë për Investime Kapitale, Mehmeti numëroi disa nga projektet e finalizuara; shtigjet për këmbësorë, rrugët e asfaltuara dhe ndërtimi i infrastrukturës nëntokësore.

Gëzim Mehmeti paraqiti edhe një pikë tjetër të programit, çështjen e varrezave të qytetit ku tha se nëse nuk menaxhohet tani, pas 16 vitesh Prishtina nuk do të ketë më hapësirë si dhe shtoi se e ka planin e detajuar.

Kurse asambleistja me nr. 18 Valbona Ballovci u premtoi banorëve se do të jetë zë i fuqishëm në kuvendin komunal për problemet e lagjes sidomos për çështjen furnizimit me nxemje qendrore./arbresh.info/