Kryetari i Shoqatës “Konsumatori”, Selatin Kaçaniku, nuk pret ndonjë ndikim pozitiv tek konsumatori nga ndryshimet në Ligjin për mbrojtjen e konkurrencës.

“Do të duhej të ishte mirë që të ndikojë, por duke parë se të gjitha ligjet varen nga politika, unë shumë pak, ose hiq nuk pres asgjë, nga Ligji i ri i konkurrencës”, thotë Kaçaniku.

Edhe për zbatimin e Ligjit për mbrojtjen e konsumatorit ai shprehet skeptik, derisa shton se ka ligje edhe nuk zbatohen fare.

“Të drejtat e konsumatorit mbrohen në proporcion të drejtë me nivelin e vëllimin e zbatueshmërisë së ligjeve. Nëse e kemi parasysh faktin se zbatueshmëria e ligjeve të Kosovës është akoma nën 40% atëherë mund të themi që mesatarja është nën 40% ndërsa ka ligje që nuk zbatohen fare”, tha ai.

Sipas tij, Ligji për Mbrojtjen e Konsumatorit duhet të zbatohet 100% dhe në kuadër të saj Ministria e Tregtisë dhe Industrisë ta fillojë ta njohë qytetarin konsumator në familjen konsumatorë, që të jenë taksa pagues dhe gjenerues kryesor të buxhetit nga financohen ato.

Për më shumë gjeni intervistën e plotë të realizuar nga gazetarja e portalit arbresh.info, Fjolla Bajraktari: