Jahjaga pritet me nderime të larta nga Mbretëresha Elizabeta II-të

14:27 | 15 Korrik 2015
M. A.

Presidentja e Kosovës, Atifete Jahjaga, është pritur me nderime të larta në Buckingham Palace, ku do të takohet me mbretëreshën e Britanisë së Madhe.

Nën antonimin e himnit shtetërorë, Jahjaga është pritur në hyrje të pallatit të Lartmadhërisë së saj, Mbretëreshës Elizabeta II-të.

Ky është takimi i parë zyrtarë i një përfaqësuesi të Kosovës me Mbretëreshën e Britanisë së Madhe.

Lajmin e ka konfirmuar edhe vet presidentja përmes faqes së saj zyrtare në Facebook.

Ajo e ka quajtur këtë ditë si historike.

“Ditë historike për Kosovën. Presidentja Jahjaga pritet me nderime dhe intonimin e himnit të Republikës së Kosovës në Buckingham Palace për takimin me Lartmadhërinë e Saj Mbretëreshën Elizabetë të Mbretërisë së Bashkuar”, thuhet në profilin zyrtar të Presidentes Jahjaga.

11755897_856124347810043_12330052346602898_n