Mediat serbe kanë raportuar se një shtetas i Kosovës është arrestuar para dy ditësh në Serbi, pasi është kapur me substanca narkotike.

Jozyrtarisht, Arbresh.info ka mësuar se bëhet fjalë për ish-zyrtarin e Ministrisë së Punëve të Brendshme, Drilon Berbati.

Sipas burimeve, i njëjti punonte në Agjencinë e Regjistrimit Civil, ku në muajin korrik të vitit 2023 ishte suspenduar nga puna për shkak të dyshimeve për keqpërdorim të detyrës zyrtare.

Arbresh.info nga burimet brenda MPB-së, ka mësuar se Berbati ka qenë i arrestuar për tre muaj, ndërkaq më pas është liruar derisa procesi gjyqësor ndaj tij ka qenë duke vazhduar.

Drilon Berbati, para suspendimit, ka qenë duke punuar në njërin nga sportelet e Agjencisë së Regjistrimit Civil, raporton Arbresh.info.

Ndërkaq, mediat kanë raportuar se atij i janë gjetur rreth 18 kilogramë substanca narkotike, të llojit marihuanë./Arbresh.info/

Lexo edhe:

Raportohet se një ish-zyrtar i MPB-së është arrestuar në Serbi, dyshohet se është kapur me substanca narkotike