Ish-komandanti i Forcës së Sigurisë së Kosovës, gjenerallejtënant Kadri Kastrati, thotë se Forca e Sigurisë së Kosovës shumë shpejtë do të mund të jetë edhe në mbrojtje të qytetarëve për kriza të ndryshme nëpër botë.

“Do të jetë forcë mbrojtëse, forcë e paqes dhe sigurisë në rajon, do të jetë anëtare e mekanizmave rajonal, por në të ardhmen nëpërmjet hapave që do të bëjë Kosova,  dhe në të ardhmen përmes NATO-s edhe ne të japim kontribut në krizat e ndryshme nëpër botë me ato mundësi çfarë i ka Kosova,” shprehet Kastrati, përcjell arbresh.info.

Ish-komandanti i zonës së Karadakut, Ahmet Isufi, ka shprehur gatishmërinë që ka Forca e Sigurisë së Kosovës për t’u kompletuar në aspektin e mbrojtjes.

“Po e bëjmë një veprim që e kompleton Republikën e Kosovës me të gjitha institucionet e veta. Edhe pozita edhe opozita është unike për ditën e nesërme,” deklaron Isufi një ditë para votimit të projektligjeve për FSK-në.

Forca e Sigurisë së Kosovës do të ketë në tërësi 5000 pjesëtar aktiv dhe 3000 rezervë.

Këto komente Kastrati e Isufi i kanë bërë në debatin “Transformimi i FSK-së, ndikimi në sigurinë kombëtare dhe rajonale” të organizuar nga Kosova Youth Atlantic Treaty Asocation./arbresh.info/

Ganimete Musliu shprehë keqardhje që nesër nuk do të jetë në Kuvend edhe Sylejman Selimi