Inspektorati Policor i Kosovës njofton se ka rekomanduar për suspendimin e tre punonjësve të policisë nën dyshimin se kanë keqpërdorur detyrën zyrtare.

Sipas njoftimit për media, IPK bënë të ditur se dy zyrtarë policor nga njësia e trafikut të kryeqytetit dhe një zyrtar tjetër nga stacioni policor jugu në Prishtinë kanë tejkaluar autorizimin e tyre të përdorimit të forcës ndaj në qytetari në Fushë Kosovë, transmeton Arbresh.info.

“Inspektorati Policor i Kosovës respektivisht Departamenti i Hetimeve, bazuar në autorizimet ligjore i ka rekomanduar Policisë së Kosovës suspendimin e tre punonjësve të Policisë së Kosovës të dyshuar për veprën penale “Keqtrajtimi gjatë ushtrimit të detyrës zyrtare ose autorizimeve publike””, thuhet në njoftim.

“Informacionet e para lidhur me këtë rast IPK i ka pranuar nga Policia e Kosovës dhe pas veprimeve fillestare hetimore dyshohet se dy zyrtarë policorë nga njësia e trafikut të kryeqytetit dhe një zyrtar tjetër i Stacionit Policor Jugu në Prishtinë kanë tejkaluar autorizimet e tyre të përdorimit të forcës. Incidenti raportohet të ketë ndodhur në mbrëmjen e datës 11.11.2024 në Fushë Kosovë me rastin e një ndalimi në trafik të një qytetari nga zyrtarët policorë”, njofton IPK.

Ndër të tjera, në kumtesën për media thuhet se hetuesit e IPK-së në konsultim dhe koordinim me Prokurorinë Themelore në Prishtinë pritet të ndërmarrin edhe veprime tjera hetimore drejt sqarimit të rrethanave të këtij incidenti./Arbresh.info