Forca e Sigurisë së Kosovës ka qenë e angazhuar gjatë kohës së pandemisë në Kosovë.

Në një intervistë për portalin arbresh.info, Gjeneral-lejtnant Rrahman Rama tregon për vështirësinë që kanë pasur pjesëtarët e FSK-së gjatë kohës se pandemisë.

Shtatë pjesëtarë të FSK-së kanë qenë të infektuar me virusin Covid-19, Rama tregon se gjendja e tyre tani është e mirë dhe se kanë dalë negativ në testin e dytë.

“Kemi pas 7 raste pozitiv me Coronavirus në Kosovë . gjendja e tyre është e mirë. Në testin e dytë kanë dalë negativ”.

Rama tregon se ka qenë e menaxhueshme situata e krijuar nga pandemia, por tregon ato çfarë kanë mësuar nga kjo.

“FSK ka qenë e përfshirë në disa aksione që janë ndërmarr gjatë kohës së pandemisë në Kosovë. Ndër to ka qenë edhe bartja e të riatdhesuarve nga aeroporti, FSK ka bart njerëz nga aeroporti deri te karantina”.

“Ne kemi çka të nxjerrim mësimet e mësuara. Ka qenë diçka e re për neve dhe gjithë botën.

“Ne kemi nivelin 2 të gatishmërisë. Kemi njësitë përkatëse dhe profesionale që kanë të bëjnë me këtë virus. Kemi rrit nivelin e masave. Kemi fillu jetën normale”.

“Kanë qenë një situatë e re kemi marr masa që në të ardhmen të jemi të gatshme të kryejmë obligimet tona. Nuk kemi pas ndonjë gjë të jashtëzakonshme dhe e papërballueshme për pjesëtarët e FSK-së”, tha Rama.

Në këtë intervistë Rrahman Rama flet edhe për gjendjen në të cilën ndodhet FKS aktualisht dhe për investimet e reja në aspektin e armatimit në FSK.

Intervista e plotë: