Instituti Kombëtar i Shëndetësisë Publike të Kosovës (IKSHPK), bënë të ditur se ende është e lartë vlera e manganit në liqenin e Badovcit.

Andaj si shkak i kësaj, ky institut rekomandon që ato lagje që furnizohen nga ky liqe, të mos pinë ende ujë.

“Përditësim i informacionit rreth Manganit në ujin e Ujësjellësit Rajonal KRU “Prishtina” që vjen nga Liqeni i Badovcit Instituti Kombëtar i Shëndetësisë Publike të Kosovës (IKSHPK) ka vazhduar monitorimin e ujit për pije të Ujësjellësit Rajonal KRU “Prishtina” që vjen nga Liqeni i Badovcit. Rezultatet nga analizat e ditës e diele (03. 11. 2024) tregojnë se vlerat e manganit sillen: Më e ulëta 0.151 mg/l (Lagja Qëndresa) deri te më e larta: 0.467 mg/L (Rr. Hyzri Talla -Kodra e Diellit). Bazuar në të dhënat si më lart, uji në tërë zonën e furnizimit nga Liqeni i Badovcit (PR 03) ende nuk mund të përdoret për pije”, bënë të ditur IKSHPK.

IKSHPK në bashkëpunim me Ujësjellësit Rajonal KRU “Prishtina” do të vazhdojnë monitorimin e rregullt të ujit dhe popullata do të mbahet e informuar.

Bashkëlidhur harta e zonës PR 03 që furnizohet me ujë nga Liqeni i Badovcit./Arbresh.info/