Një i mitur dyshohet se aksidentalisht është qëlluar me pushkë të gjuetisë nga vëllai i tij po ashtu i mitur në Suharekë, raporton Policia e Kosovës.

Sipas policisë, viktima ka pësuar lëndime të rënda dhe është dërguar në QKUK për tretman mjekësor, shkruan Arbresh.info.

Njësitet policore janë duke hetuar rastin.

“Suharekë / 02.11.2024-07:40. Viktima mashkull kosovar-fëmijë ka pësuar lëndime, pasi që i dyshuari kosovar (i mitur)-vëllai i viktimës, duke përdorur pushkën e gjuetisë dyshohet aksidentalisht i ka shkrepur arma dhe ka goditur viktimën. Si pasojë, viktima ka pësuar lëndime të rënda dhe pas tretmanit mjekësor në spitalin rajonal në Prizren, është dërguar në QKUK për tretman të mëtutjeshëm mjekësor. Lidhur me rastin, është informuar e konsultuar edhe prokurori, ndërsa njësitet policore janë duke hetuar rastin”, thuhet në raportin 24 orësh të Policisë së Kosovës./Arbresh.info