I burgosuri sulmon fizikisht drejtorin për Siguri dhe Operativë në Qendrën e Paraburgimit në Prishtinë

18:11 | 20 Janar 2021

Një i burgosur ka sulmuar fizikisht Drejtorin për Siguri dhe Operativë të Drejtorisë Qendrore të SHKK-së.

Rasti sipas Shërbimit Korrektues të Kosovës (SHKK), ka ndodhur sot rreth orës 13:10 në Qendrën Korrektuese në Prishtinë, shkruan arbresh.info.

Motivi i sulmit, dyshohet të jetë refuzimi i kërkesës së tij për transfer.

“SHKK njofton opinionin publik se sot rreth orës 13:10 në Qendrën e Paraburgimit Prishtinë një i dënuar ka sulmuar fizikisht Drejtorin për Siguri dhe Operativë të Drejtorisë Qendrore të SHKK-së. Pasi ishte kryer intervistimi i të dënuarit dhe njoftimi zyrtar për refuzim të Kërkesës së tij për transfer, i dënuari B. M, fillimisht ka fyer dhe kërcënuar, më pas edhe ka sulmuar fizikisht, më ç’rast i ka shkaktuar lëndime të lehta trupore Drejtorit për Siguri dhe Operativë”, njofton SHKK.

I menjëhershëm ka qenë reagimi i stafit të Qendrës dhe gjendja është vënë nën kontroll.

I burgosuri B. M është veçuar, ndërsa rasti është paraqitur në Policinë e Kosovës, e cila ka ardhur në vendngjarje dhe ka kryer të gjitha hetimet e nevojshme./arbresh.info/

Lajmet më të lexuara