Një person ka ndërruar jetë derisa ishte duke pirë kafe në një restorant në Viti, raporton Policia e Kosovës.

Sipas policisë, me t’u përkeqësuar gjendja e viktimës, ai është dërguar më emergjencën e qytetit ndërsa mjeku ka konstatuar vdekjen e tij, shkruan Arbresh.info.

Në raportin 24 orësh të policisë, rasti është cilësuar si “Hetim i vdekjes” ndërsa trupi i pajetë i viktimës u është liruar familjarëve për ceremoni mortore

“Viti / 28.12.2024 – 08:00. Viktima mashkull kosovar derisa ishte duke pirë kafe në një restorant (sipas dëshmitarëve), i është keqësuar gjendja shëndetësore dhe ka mbetur pa shenja jete. Viktima pasi është dërguar në emergjencë e qytetit, mjeku ka konstatuar vdekjen e tij. Me vendim të prokurorit, trupi i pa jetë i viktimës u është liruar familjarëve për ceremoni mortore”, thuhet në raportin 24 orësh të Policisë së Kosovës./Arbresh.info