Kryeministri në detyrë, Avdullah Hoti ka reaguar në lidhje me sulmin që iu bë gazetarit, Visar Duriqi.

Hoti përmes një postimi në ‘facebook’, ka thënë se sulmi ndaj gazetarit Duriqi është sulm ndaj fjalës së lirë dhe si i tillë është i papranueshëm dhe i dënueshëm, shkruan portali arbresh.info

Tutje, kryeministri në detyrë i ftoi organet e rendit për ndriçim sa më të shpejtë të këtij akti qyqar, ndërsa gazetarit Duriqi i uroi shërim dhe kthim sa më të shpejt në kryerjen e detyrës së tij.

Postimi i tij i plotë:

Sulmi ndaj gazetarit Visar Duriqi është sulm ndaj fjalës së lirë dhe si i tillë është i papranueshëm dhe i dënueshëm.
Ftoj organet e rendit për ndriçim sa më të shpejtë të këtij akti qyqar, ndërsa gazetarit Duriqi i uroj shërim dhe kthim sa më të shpejt në kryerjen e detyrës së tij.
Dhuna dhe tendenca për frikësim të gazetarëve është përpjekje për kufizim të lirisë së shprehjes dhe zhbërje të demokracisë, e cila nuk duhet te tolerohet sepse e drejta e fjalës së lirë është e garantuar me ligj. /arbresh.info/