Kryeministri i Kosovës, Avdullah Hoti me rastin e 21 vjetorit të çlirimit të Kosovës ka thënë se sot kujton të gjithë ata që sakrifikuan për lirinë e vendit.

Hoti përmes një postimi në Facebook ka kujtuar të gjithë fëmijët dhe të moshuarit që u vranë e u masakruan, transmeton arbresh.info

Ai gjithashtu ka falënderuar të gjithë ndërkombëtarët dhe ka kujtuar momentin e hyrjes së forcave ushtarke të NATO-së në Kosovë.

Postimi i plotë:

Sot i kujtojmë me krenari të gjitha gratë dhe burrat që dhanë jetën dhe sakrifikuan që ne ta gëzojmë lirinë. Sot i kujtojmë fëmijët dhe të moshuarit që u vranë e masakruan në shtëpitë e tyre vetëm se ishin shqiptarë.

Në këtë ditë të veçantë i falënderojmë miqtë tanë ndërkombëtarë, duke kujtuar me shumë emocion momentin e çlirimit, momentin e hyrjes së forcave ushtarake të Aleancës Veri-Atlantike, NATO, në Kosovë.

Veç homazheve për nderë të Ditës së Çlirimit, sot morra pjesë edhe në hapjen për vizitorë të muzeut më të ri në kryeqytet, ish Burgut të Prishtinës, nëpër të cilin burg u përndjekën shumë patriotë e patriote!