Kryeministri i Kosovës, Avdullah Hoti, është thirrur në interpelancë në Kuvendin e Kosovës.

Interpelanca është dashur të nis në orën 15:00, raporton Arbresh.info.

Por, në sallë të Kuvendit mungojnë shumica e deputetëve aktualisht janë vetëm 24 deputetë ku shihet se pos grupi parlamentar të LVV-së, dhe disa deputetë të LDK-së, të tjerë nuk ka.

Ndryshe, PDK-ja për një javë ka bojkotuar të gjitha seancat pas situatës së krijuar nga Gjykata Speciale.

Thirrja për interpelancën e Hotit është bërë me kërkesë të tetë deputetëve të grupit parlamentar të Lëvizjes Vetëvendosje, në lidhje me shfuqizimin e Task-Forcës antikorrupsion në Policinë e Kosovës.

Ky subjekt pretendonte se cak i hetimeve të kësaj Taskë Force ishin disa tender të lëshuar pikërisht nga ministria e Punëve të Brendshme që udhëhiqet nga Agim Veliu i LDK-së.

Shfuqizimi i Taskë Forcës kishte shkaktuar reagime të mëdha, edhe tek ndërkombëtarët.