Deputeti i Lidhjes Demokratike të Kosovës, Avdullah Hoti ka thënë se është i katërti vit me radhë i humbur në investime kapitale.

Sipas tij, disa ministri kanë treguar rezultat të ulët ndërsa kritikon kryeministrin Albin Kurti për dështimin e mbikëqyrjes së punës së ministrave, përcjell Arbresh.info.

Postimi i plotë:

I katërti vit me radhë i humbur në investime kapitale

Në periudhën 9-mujore, realizimi është vetëm 36%. Janë shpenzuar 325 mil euro, nga 913 mil euro të parapara në buxhet.

Realizimi tepër i ulët, në veçanti nga disa ministri, tregon dembelinë dhe mungesën e kompetencës të ministrave, si dhe dështimin e Kryeministrit për mbikëqyrjen e punës e ministrave.

Ja disa ministri me realizim shumë të ulët:

– Ministria e Industrisë 4%;

– Ministria e Drejtësisë 4%;

– Ministria e Financave 7%;

– Ministria e Bujqësisë 7%;

– Ministria e Arsimit 16%;

– Ministria e Ekonomisë 16%;

– Ministria e Shëndetësisë 19%;

– Ministria e Brendshme 20%;

– Ministria e Kulturës 34%;

Ja tabela e realizimit ë investimeve kapitale të Ministrisë së Bujqësisë. Jo vetëm që shuma e investimeve kapitale në bujqësi është tepër e ulët, vetë 3.8 mil euro, por edhe ato nuk realizohen. Nuk figuron asnjë projekt për ujitje të tokave bujqësore./Arbresh.info