Nënkryetari i Lidhjes Demokratike të Kosovës (LDK), Lutfi Haziri, ka publikuar një fotografi nga takimi që kishte ndodhur kohë më parë në mes përfaqësuesve të LDK-së përfshirë kryetarin e kësaj partie Lumir Abdixhiku dhe përfaqësueve të Luginës së Preshevës.

“Kurti po krekoset për mbështetje financiare ndaj shqiptarëve të Luginës së Preshevës”, ka shkruar Haziri krahas fotografisë në llogarinë e tij në Facebook, ndërsa shton se sipas tij, Kurti “ka përçarë politikanët e Luginës”.

”Së pari, nuk është çështje e ruajtes se identitetit kulturor e kombëtar, por vullneti i shprehur me referendum nga shumica absolute këtu e 30 vjet më parë. E dyta, ndihma më e madhe ndaj tyre është duke mos i përçarë, për duke ua respektuar vullnetin e tyre. E treta, prej këtyre mjeteve financiare, sa kanë me shku për lobime jashtë tyre?”, ka shkruar Haziri.

Më tutje, Haziri ka vazhduar edhe për duke folur për çëshjen e dialogut.

“E kjo puna e Elektroserverit, a është zbatim i marrëveshjes së shkurtit Kurti-Vuçiq 2023?! Ndërkaq, për fund, Petkoviç po bisedon sot në Bruksel për implementimin e Zajednicës, a merreni me mend, dy ministra të Qeverisë Kurti nënshkruajnë marrëveshje me shefin e hekurudhave të Kosovës. Urime qarku i mbyllur i marrëveshjeve”, ka thënë Haziri./Arbresh.info