Kryeparlamentarja e Kosovës, Albulena Haxhiu, reagoi pas lajmit për vdekjen tragjike të tre qytetarëve kosovarë – Pajtim Bajramit, Asllan Musliut dhe Istref Zekajt – në një kantier ndërtimi në Vjenë.

Haxhiu tha se humbja e jetëve të bashkëkombasve tanë në vendin e punës është një dhimbje që prek të gjithë qytetarët e Kosovës.

“Lajmi për vdekjen tragjike të Pajtim Bajramit, Asllan Musliut dhe Istref Zekajt në një kantier ndërtimi në Vjenë më tronditi thellë. Humbja e jetëve të bashkëkombasve tanë në vendin e punës është një dhimbje që na prek të gjithëve. Në këto çaste të vështira, shpreh ngushëllimet më të sinqerta për familjet dhe të afërmit e tyre. Ndajmë dhimbjen me ta dhe qëndrojmë pranë tyre në këtë humbje të madhe”,shkroi Haxhiu./Arbresh.info