Haxhiu kërkon nga qytetarët që t’i procedojnë ankesat në Ministrin e Drejtësisë

14:46 | 23 Shkurt 2020

Ministrja e Drejtësisë, Albulena Haxhiu, ka thënë se dikasteri të cilin e drejton ajo, e ka për obligim mbikëqyrjen e punës së noterëve, përmbaruesve dhe ndërmjetësuesve

Në një postim në Facebook, Haxhiu ka shkruar se qytetarët duhet t’i adresojnë në Ministrinë e Drejtësisë ankesat dhe shqetësimet e tyre lidhur me shkeljen e detyrave të përmbaruesve dhe noterëve.

“Gjatë këtyre ditëve, kam parë shqetësime të qytetarëve lidhur me shkeljen e detyrave nga disa përmbarues dhe noterë. I lutem të gjithëve që secilën ankesë ta formalizojnë e procedojnë në Ministri të Drejtësisë. Secilën ankesë do ta adresojmë dhe nuk do ta neglizhojmë sikur ka ndodhur në të kaluarën”, ka shkruar Haxhiu.

Tutje ministrja Haxhiu shkruan se noterët dhe përmbaruesit duhet të veprojnë në bazë të ligjit dhe nuk duhet t’i tejkalojnë kompetencat e tyre.

Haxhiu shfuqizon edhe vendimin e emërimit të komisionit për zgjedhje të noterëve

 

 

Haxhiu: Në konkursin e radhës për noter të mos aplikojnë partiakët, nuk do të pranohen

Shpërndaje në rrjete sociale

Lajmet më të lexuara