Nënkryetarja e Kuvendit, Albulena Haxhiu, u ka bërë lutje partive ish opozitare që ta votojnë buxhetin dhe marrëveshjet ndërkombëtare, si dhe mandatarin për Qeverinë e re, Glauk Konjufca.

Kështu, ajo tha indikacion se do ta tentojnë votimin e buxhetit para seancës për Qeverinë e re.

“Nuk kanë pasur vullnet për të tejkaluar situatat me të cilat jemi përballur. Buxheti nuk është buxheti i kryeministrit Kurti. Sot u bëj lutje që të kenë qasje pozitive, ta mendojnë interesin e shtetit dhe të jenë në seancë për të votuar dokumente shumë të rëndësishme, por në anën tjetër pas pak minutave e kemi edhe votimin e mandatarir.

Konjufca është i dyti më i votuari në Republikën e Kosovës. Sot është momenti që t’i japin mbështetje zotit Konjufca. Nuk kemi pse shkojmë në dy palë zgjedhje në një kohë të shkurtër. Kryetari i Kuvendit nuk e mbylli seancën por e ndërpreu, nëse ka ndonjë reflektim” , tha Haxhiu.

LEXO EDHE:

Haradinaj: S’kemi votë për Qeverinë e re, Konjufca duhet t’iu kërkojë falje qytetarëve që i vonoi dy javë