Ministri për Evropën dhe Punët e Jashtme të Shqipërisë, Igli Hasani, ka njoftuar se është takuar me ministren e Punëve të Jashtme dhe Diasporës, Donika Gërvalla – Schwarz.

Me anë të një postimi në Facebook, Hasani ka njoftuar se me Gërvallën kanë diskutuar për intensifikimin me projekte konkrete të marrëdhënieve dhe hapave drejt së ardhmes euro-atlantike.

“Me miken dhe homologen time, Ministren Donika Gërvalla diskutuam mbi intensifikimin me projekte konkrete të marrëdhënieve tona strategjike, dhe hapat drejt të ardhmes së përbashkët euro-atlantike”, shkroi ai.

“Rivitalizimi i procesit të njohjes ndërkombëtare të Kosovës, në bashkërendim me vendet partnere, si dhe anëtarësimi në organizata rajonale e ndërkombëtare, përfshirë edhe A5 ku Shqipëria ka Presidencën për këtë vit, mbeten prioritete kryesore të punës sonë të përbashkët”.

Tutje, Hasani falënderoi Gërvallën për mirkpritjen dhe diskutimin konstruktiv për të dyja vendet.

“Faleminderit Ministres Gërvalla për mikpritjen e ngrohtë dhe diskutimin konstruktiv për të dy vendet tona.”, përfundoi ai./Arbresh.info

LEXO EDHE:
https://www.arbresh.info/lajmet/hasani-shqiperia-eshte-dhe-do-te-vazhdoj-te-jete-perkrahese-e-fuqishme-e-integrimit-te-kosoves1/

Gërvalla takon kryediplomatin shqiptar, diskutojnë për situatën në veri