Kreu i Aleancës për Ardhmërinë e Kosovës (AAK), Ramush Haradinaj, ka vizituar Sindikatën e Pavarur të Minatorëve.

Haradinaj, në një postim në Facebook, ka shprehur shqetësimin për gjendjen aktuale të minatorëve dhe ka premtuar mbështetje të plotë për kërkesat e tyre.

Ai ka theksuar se Trepça, e cila përballet me probleme serioze si mungesa e financave dhe kushtet e rënda të punës, duhet të rikthehet në niveli e saj të dikurshëm përmes investimeve dhe përmirësimeve të kushteve të punës.

“Trepça është vlerë dhe simbol i rëndësishëm i Kosovës. Kështu e kam trajtuar edhe atëherë kur në Kosovë kishte pak njerëz që besonin se Trepça mund të rikthehej si aset i përhershëm i Republikës sonë. Gjatë mandatit tim si kryeministër i vendit, në mars të vitit 2019, me votimin e Statutit të “Trepçës” e regjistruam atë si kompani në bazë të ligjeve të Kosovës. Kjo ishte mënyra më e mirë për ta shpërblyer sakrificën e minatorëve të devotshëm dhe për t’i hapur rrugë zhvillimit të Trepçës”, shkroi Haradinaj.

Haradinaj tha se Trepça është duke u ballafaquar me probleme serioze, qoftë mungesë të financave apo edhe kushtet e rënda të punës dhe pa sigurim shëndetësor.

“Sot, Trepça është duke u ballafaquar me probleme serioze qe nderlidhen me mashtrimin qe kno Qeveri po e bene tash e 4 vjet. Ka mungesë të financave, minatorët përballen me kushte të rënda pune, të ardhura tejet minimale që nuk i paguhen me muaj të tërë e pa sigurim shëndetësor”, shtoi Haradinaj./Arbresh.info